英超半季回首

過去半季，我第一次這麼緊貼英超聯賽賽事。有一半是因為開始了玩yahoo的足球經理人大賽。
所以除了我所支持的利物浦, 其餘的球隊甚至弱如般尼和樸茨茅夫的賽事我也有觀看。不過今次都係講下big 4 先。

今季車路士終於找回了自己的風格, 開季便一支箭般彈出。雖然近況有點下滑, 但仍然能坐穩頭位, 力壓曼聯。 傷患較少,人腳齊全是他們的其中一個優勢。而且安察落提上場似乎頗能捕捉到球員的最佳位置, 新陣鑽石型中場活用了每個球員的能力。如林伯的後上短傳和中距離, 波肋的出波, 迪高的控球等。

反而上季踢得非常好的紅軍, 沒有了沙比亞朗素和艾比路亞, 真係差了不少。尤其是沒有沙比亞朗素派牌, 要靠兩邊翼帶上去, 但係今年幾個翼位球員都好似唔係好夠信心, 真係帶到上去又好似無乜人頂到, 所以唔係好斬, 又入返去想用短傳, 然後俾人截到。後衛又係好散, 雖然開季有好幾連嬴。 但係托利斯一傷, 好似就入唔到波, 嬴得果一場。希望隨住亞基蘭尼慢慢適應, 可以代替到沙比個位。利華雖然開始打得好返d, 但都係去打馬斯佬既春補算啦。同埋希望巴布打得起啦, 一唔係就買返隻有高d助攻既翼。

曼聯平平穩穩啦, 無左c朗係真係無咁強火力, 少左一點咁, hea碧都係無乜大作為.....其他人真係不得不提傑斯......36歲, 踢得好過好多當打既後生左翼。真係勁!我自己唔鐘意曼都好服佢。

最後都講下阿記, 今年法比加斯又係上晒身, 反而上年好強勢既艾沙皇好多時今年被迫推上一格, 佢又無身位, 所以成日要快射, 但係都算好。買入華美倫真係好抵用, 我fantasy league由第一週用到而家。但係前鋒缺人真係要快d解決, 靠沙皇唔頂得好耐。