Nerds & Geeks

身為呢個大家庭的一份子, 我覺得他們其實是很勁的。基本上…..雖然佢地未必好醒, 亦未必好有溝通技巧, 但他們一定會有一樣專長的。

而由於他們唔夠醒同埋無乜人會搵佢地…..佢地就可以擺晒整副心機落呢樣專長上, 變到很勁。

Entry no. 100th

我覺得, 我敬愛的謝四兄是感覺到我的存在的, 所以送了兩球作為我的生日禮物給我。

我希望, 今年是屬於xxx的。

無端端又大一歲了, 雖然還是一事無成, 但最少已經算是向前行了一步了。而這一步會令我走到那, 就要看我怎樣利用了。

現在正消極地積極行動中, 好幾方面也是。

也很慶幸我有 朋友

玉

找到了一份新工。
用一個字形容: 好。
用兩個字形容: 方便。
用三個字形容: 平靚正。

可能追求的, 這份工都可以給予了。
但最近卻被人說我鬥心不足，不求進取。

我的鬥心是有的。不過是比較慢。比較上，我喜歡一步一步來。每份工作都有可能學到東西的地方。媽最近總喜歡說一變二，二變四諸如此類的。總而言之就是萬丈高樓從地起。

我只是追求一種比較內在所以沒那麼明顯的方法吧了。

原來過得很快樂?

快樂是什麼呢?
人生是什麼呢?
為什麼人總是不懂得知足?
每個人都是這樣子的。
我需要去學佛嗎?

文筆又生銹了許多, 是詞不達意，也是迂迴曲折。
不能夠這樣，卻只能夠這樣．．．
無論是什麼，所謂平衡，其實是兩邊不靠岸。
是另一種曖昧吧？
＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
當我想放多些心機寫blog時, 竟然又起了一股微博風。
時間越來越少，人卻越來越懶。
其實這樣一小段說話可以寫得簡潔俐落而不流於空洞才是寫文章的極致。
微博卻只淪為明星仔們的新蒲點．．．
倒不如繼續用facebook。

講係咁講，twitter同新浪我都有開, 沒怎麼寫便是。

我祖羅.祖班納有一個夢想......

呢排美國英雄又開始熱......

先有勁揪俠，後有iron man.....

早幾天看了勁揪俠，幾好睇....有d黑色幽默, 而我鐘意佢一連串既不認真後有一個幾認真的結局。
個故事主要係講一個唔識死既0靚仔點樣唔識死扮超人想儆惡揚善, 結果識左一d真係勁人同真係黑社會。

但係最好睇係配角, big daddy尼古拉斯基治同小妹妹hit girl.
仲有個黑社會大佬係福爾摩斯個黑木公爵......點解我會留意到呢, 因為呢位演員mark strong做到兩個角色一樣咁滯。

同埋套戲既動作sequel都做得好正, 值得一看。

iron man又係一定要睇既.......壞男robert downey jr. 第一集做得相當好, 好到我想再dl落黎睇, 又有scarnett johannson同samuel l jackson加入.....唯一不滿既係上集做得好地地既黑人上校換左人, don cheadle個格硬係無咁型。

講開又講......唔止外國玩英雄, 連香港都有王晶既未來警察(呢套擺明係賣內地為主....)同飛女正傳。我覺得飛女正傳ok喎, 起碼好過heroes, heroes已經變左全部人都係為左自己, 都唔係heroes咯, 同埋佢地d能力已經勁到失去晒控制.....已經唔好睇. 反而飛女正傳一開始已經設定好佢有弱點, 所以故事舖排覺得可能會好d。

不過, 我覺得香港黎緊最正0既英雄, 都會係葉問......「我要打十個 !」

唔明個title? 佢都係一個好勁既英雄!

拉法爾．賓尼迪斯

早前讀了這位現利物浦領隊的傳記。對他的了解增加了不少。

他的同事，和為數甚少的朋友形容他為一個足球狂。無論在那裡他總能說關於走位、陣式、戰術等等的事，說過不停。而事實亦都証明，他不是只有空談的。他曾經帶領當時的華倫西亞勇奪巴塞和皇馬所支配的西甲聯賽的冠軍。剛上任的第一年也為利物浦帶來了一個歐聯冠軍。

他帶領狀態不好，被人看淡的球隊往往能出人意表地表現出佳績。但似乎他真的很不適合英超的遊戲玩法。另外會不會是名為他帶來壓力，令他有點當局者迷呢？可能他做回那個足球御宅會更好呢？

膠圈

呢隊「佬」band真係好正。band比band 大概也是你死我活，也不是說mr. 不好。但是真係rubberband，越拉越geng，越聽越正。

可能我的成份都很佬吧。我也不覺得如果我是陳奕迅會有什麼那麼吸引，也不會去想得太多。但是在一早搭地下鐵過對面海，幻想自己是熱火一般的阿波羅，然後拖著差不多脫水的身體去嘆嘆小涼伴，好像比較愜意。

愜意，好像就是這隊樂隊的代名詞吧。